小寶棟篤笑想做第二個黃霑

小寶捧紅過一班巨星，原來當年曾因出碟問題與張栢芝有拗撬。

小寶信心滿滿搞棟篤笑，自言要做第二個黃霑！

小寶棟篤笑想做第二個黃霑

【太陽報專訊】入行40年的陳少寶（小寶）首度舉行棟篤笑，有一大班長期聽眾的他無懼銷情，加場再加場，他更大口氣的說：「我見咁多人開過，心諗輪都輪到我啩？我好鍾意黃霑，希望做到第二個佢。」曾捧紅過王菲和張國榮等人的他表示，唯獨張栢芝最令他頭痛，出盡法寶才能令她出碟：「嗰個年代唱片已經賣得少，你同佢攞期出唱片，佢會諗不如畀個期電影。佢試過好氣憤咁同我開會，我明佢嬲咩，咪解釋畀佢聽唱片就係咁做o架喇。」

小寶又坦言對麥浚龍（Juno）、2R和張敬軒等人心存抱歉：「簽得人就要負責，但嗰年我惹咗官非，幫唔到佢哋發展，對大家唔住。（係你心結？）冇心結，上帝安排我犯官非咪犯官非，但Juno最紅嘅時間的確喺我嗰度。」