個個都紮肚，唔通個個都想紮肚咩? 近年真係好多明星媽媽生完小朋友仍然可以好快修身, 身型回復返好似未陀小朋友前咁嘅樣，而有唔少明星媽媽都分享過生完小朋友想極速修身嘅秘訣就係做紮肚療程喇，不過坊間仍然會有唔少質疑紮肚有無用嘅聲音。究竟紮肚有無用呢?
有婦產科醫生指出，古法紮肚嘅修身方法喺外觀上的確係起到修身效果，只不過喺西醫角度醫生會認為產後媽媽並無紮肚嘅需要。咁其實醫生嘅專業黎講, 除非對健康構成威脅或者有危機，先會建議做治療架炸，即係如果你產後身型脹咗,但BMI仍然處於正常範圍, 醫生又無理由建議你要減肥嘅，而喺醫生角度, 減肥又唔等於係修身喎, 因為減肥只係為咗減輕體重對身體各器官造成嘅負擔，或者真係會危害到健康。而大部份嗌要瘦身修身嘅女士，相信都主要追求視覺上嘅改善，簡單啲就係新手媽媽自我感覺良好，自我嘅要求黎。喺醫生理性角度黎講，現時亦並未有嚴謹同實質數據支持紮肚是有效。可以肯定嘅係連醫生都話懷孕時腹直肌分離、內臟移位、盆骨增寛是會發生的，而醫生上又真係唔會特別去治療,只係靠身體自我修復。
但身體自我修復嘅進度因人而異, 如果明星媽媽們都靠身體自我修復的話, 咁會唔會咁快修身到呢?
答案就一定唔會係啦，所以，紮肚有無用? 係有嘅！但幾時紮肚先係啱嘅時候呢?呢個就要講到紮肚黃金期喇！
紮肚黃金期因人而異?
無錯！唔係每個產後媽媽都係同一個時期黎紮肚都係最work架！ 要分產後媽媽係用自然分娩定係剖腹產(開刀)，一般黎講自然分娩嘅傷害比剖腹產細同淺好多，所需嘅恢復時期都比較短，即使係自然分娩都唔建議生完即刻進行紮肚，因為產後嘅子宮需要不停按摩加速收縮，要知道媽媽陀緊B 10個月咁耐, 子宮係每日都不停地被撑大，撑足10個月嘅子宮, 需要靠按摩同自我修復期內將其縮返細啲先，而剖腹產因為有傷口按唔到摩, 就只能靠身體自我修復力, 又可以借助陪月餐嘅藥材加速子宮收縮等方法去幫助子宮收縮得快啲。
咁，幾時先係紮肚黃金期呢?
紮肚黃金期係處於子宮初期已經逐漸修復後，身體relaxin仍然存在嘅時候, 就係最佳紮肚黃金期喇！(註: relaxin即係鬆弛素，懷孕中期後卵巢開始會分泌嘅一種荷爾蒙，一直到產後才會減少分泌。其作用係用於放鬆肌肉、關節和韌帶，使骨盆內子宮、子宮頸等處能順利擴張，等日漸長大嘅BB可以有舒適同足夠嘅空間，不過鬆弛素嘅影響範圍不只骨盆腔，更擴大至全身。而鬆弛素嘅存在更令紮肚更事半功倍，因為身體處於一個塑型彈性較高嘅狀態，改善腹直肌分離、胸骨外擴及收窄被撑大嘅盆骨嘅較容易，塑形修身效果更好，而研究指出鬆弛素會喺分娩後幾個月至1年不等逐漸消失，所以要趁鬆弛素跑掉之前，子宮早期恢復完成後進行紮肚，就係golden time! 查閱網上講有關古法紮肚黃金期，搵到以下資料:
資料來源: https://oasismom.com.hk/
同一網, 仲見到有關紮肚優惠同手法介紹tim, 詳情可按此。
